總結一下四個禮拜嘅生活先。首先, 大佬們話第一個禮拜戈幾日係適應期, 用黎適應返好似返學咁朝8晚5嘅時間……呃, 其實不需要刻意適應, 不論返工定返學, 我地呢D設計人始終都係夜貓子, 不到下午三點, 靈魂是不會醒過來的哈哈~
另外, 我仲發現內地因為食品有自產, 唔興賣罐頭食品。進口零食少, 大多都係國產「膨脹食品」、唔興健康嘅麥麵包, 大多都係白麵包、所謂嘅紅豆車輪包其實都係得50粒以下嘅紅豆……想搵D熟識嘅口味夾包當早餐除左花生醬同芝士火腿之外別無他選、連M記早餐都完全唔同口味而且大多炸物都是辣的我根本吃不了(炒個菜太油也吃不了)。
自問適應力(生活方面)夠強, 而且從小就成日跟老媽子返內地。但可能被保護得太好了, 很多方面要硬着頭皮才能走下去。但係, 依然係適應唔到內地過馬路d車仲係我身邊不停轉啊啊啊啊啊啊啊啊啊喂喂喂喂喂喂, 真想知道這種规則是怎麼立的=.=。不過如果當係練膽練厚面皮嘅話, 其實都唔錯嘅…大概。
講返正題, 唔湯唔水咁過左半個月, 終於都有D野做。四海家具嘅實習生接左一個幫劏房戶設計家具嘅project, 本來我都好有興趣一齊設計, 但基於個人不足, 就決定做返我嘅老本行: Research & Marketing。但上班對我來說不是重點, 畢竟早已有心理準備, 文化帶來的差異令我所學的不會太多(而且說好的興趣學習活動早都不見了)。而且每個禮拜六都一定會有參觀活動, 真覺得自己見識多了, 不枉此行。不枉當初見到poster嘅當下就決定報名。我想要嘅就係留係香港所無法帶給我的見識。
雖然行商場實在係不太待見, 但見到每個商場都唔一樣, 唔似香港戈d咁一色一樣, 實在也很滿足。特別係琴日行嘅商場, 成個商場都有好多藝術品同展覽。一路行街一路睇展覽嘅感覺真心不錯, 起碼不如香港嚴肅苦悶, 讚啦!